Тыкэнты иhэвдевки омолгичан, сомат аят туhакаталча, иhэвчэ. ?и-кэт этэн боконо ну?анман. Дюр hалганин син эвкил дыгин hалгардуктын эмэнмурэ. Таргачин hуркэн-ку?акан оча. Бэй?элду иргивденэ, бэй?э турэнмэн сача, уйдовки-долдывки бэй?э-дэги турэнмэн. Умнэкэн, эвиденэл, Тэмбе hан?увки гиркиви:
– Тэдемэ-ты си дюр hалгалкан бэевэ урэчэ эиhинни. Си дюр hалгатпи туhакта?нанни, би дыгиндиви. Тэдегдэ си дюр hалгалкан биhинни. Энинми гунэн, дюр hалгалкал hу?ту турэнтын бивки. Си тар турэнтын са?нанни?
– Эчэв, – Умусли гунивки. – Идук тара би сади?ав, дыгин hалгалкаhалду иргивчэ биhим, эчэ. Он-ка тар дюр hалгалкачил, ко?норин дылилкачил, эвуники эhалкачил он-кэ улгумэчивкил биди?этын? Турэнмэтын сами ая бимчэ, дюр hалгалкан бэе биhим эчэ, гундерэн. – Тыкэн гуннэ, Умусликэн мулэ ичэчивки. Муду минмэ ичэксэ, инеливки арай – Тэмбе! Ичэкэл, ?и-кэт тар муду ичэвдерэн? Инемо! Ин?актая ачима ачин, дюр hалгандуи илитчаран! Эмэкэл, ичэкэл!
– Си-ты муду ичэвденни! – гиркин гунивки. – Си тар биhинни!
– Эе! Он-ка тар ин?актая-кат ачим биhим? Окин-ка ин?актав иhэвди?эн? – hан?увки Умусликэн гиркиви.
– Эчэв сара, – тари?ин гунивки. – Этэн бука балдыра, таргачин-ты биди?эс.
– Кире! Эда-ка таргачин биhим? Тугэ до?оторо этэм до?
– Дюр hалгакан ку?акан-hуркэн окин-кат ин?актан этэн балдыра, – гунэн дэлэмичэн сачари Э?ни. – Бэеду эвки ин?актан балдыра, нюриктэчинюн бивки. Дюр hалгакан бэе тэткэвэ тэтычэвки. Ма, тэтыес эмум. Агилкандя колбодук эмучэ. Ма, тэтымкэкэл, – гунэн сачари.
Мукукэен эмучэ, унтаян эмучэ, авунан. Умусликэн адулавки, адулавки тэтывэ, тадук тэтывки. Тэтыксэ, инеечивчи:
– Тэмбе! Ичэкэл! Би нян ин?актачи оча биhим! Хэкуке, hэкуке тэтычи бивки. Он-ка си Тэмбе э?нэнни hэкукерэ, ин?акта тэтыви эн?эни лукра окин-кат эчэ? Он-ка си эн?энни hэкукерэ? Дэмэре, лукикта. До?отоми, тэтчи?эв, – гунивки омолгичанты.
Тадук дэлэмичэн сачари Э?ни гунивки омолгидуи:
– Поро, долчаткал минэвэ аямат. Си бэе-ура?кай биhинни. Аи-эвэнки утрэнмэн садас инэ?и эмэрэн. Бэедыт эми сара, бэе турэнмэн энэ уйдоро, он бэе оди?ас? Бэе бэенюн бивки, бэе бэенюн улгучэмэтчэвки. Бэе одаи, бэе турэнмэн сакал. Инэ?имэн би толкитча биhим: гороло-гороло, Дулин Дуннэ чэчэмэдун, умун этыркэн бидевки. Тар этыркэн Геван гунмури гэрбичэ. Тар этыркэнмэ исми, бэе турэнмэ сади?ас. Таткади?ан ну?ан синэвэ. Си дюр hалгакан, ко?норин дылилкан, эвуники эhалкан бэе-эвенки биhинни, бэе турэнмэн сарэкис, ая бимчэ. Инэ?имэн-ты дэгилди?эт тала, би синэвэ hурувди?ов, – гунэн дэлэмичэн сачари Э?ни.
– Кэ, ая, эней! – элэксийрэн Умусликэн. – Гиркилдуи-нюн тэдэвуктэ hурунуви.
Дуннэр Эни
Тар некэдерэктын, арай Оли эмэрэн.
– Дуннэр Эни бэй?элвэ эридерэн, – гунэн Оли. – Эва-ка тэдэвдеи некэдерэн. Химат ?энэкэллу, эридерэн.
– Би-кэ эдям? – hан?увки Умусликэ?ит. – Хурудем-?у, эдям-?у?
– Дулин Бугава некэенэ биденни, эчэ, – гунэн сачари. – Он этэнни си ?энэрэ, си нян эр дуннэдут биденни. Си нян эр дуннэт биди?эн биhинни. Дюр hалгандии эр дуннэвэт некэденни си, синэвэ нян Дуннэр Эни ичэгин-сагин.
Кэ, ?энэрэ. Дуннэр эни гуннэвэн долчатнара бутунну бэй?эл. Дэгри дэктэндэлкэн дэги дэгнэ ?энэрэн, дыгин hалгакан бэй?э дыгин hалгандиви ды?нимэнэ ?энэрэн, Умусликэн дюр hалгандии гиркуна ?энэрэн. Эмэрэ.
– Ни-кэт эчэ аманнира? – hан?увки Дуннэр эни.
– Дыгин hалгалкал бэй?эл бутунну эмэрэ, – гунивкил бэй?эл.
– Дэгри дэктэндэлкэндук караки-нюн эмэнмучэ, эчэ эмэрэ, – гунивкил дэгил.
– Кэ, этэп нунанман алатта, – Дуннэр Эни гунивки. – Акари акаритпи эмэнмугин! Аямат долчаткаллу минэвэ, дюр баргида сердивар аямат долчаткаллу, иргэлэвэр ивкэллу, аямат аргэдувэр лапкикаллу. Эр кадяриндя Кадар оемодун умун ирэктэ биhин. Дугэй-муданин туксулдулэ иhивки. Тар ирэктэ hалакандун бэркэн биhин. ?и тар бэркэнмэ гади?ан, тар со э?эhи овки. Чэрули бидевкил бэй?эл. Дэгил симуладявкил, долчатчанал, эhилэ умун туксакиткан аракукан гунивки эниндуи:
– Эней, ая бимчэ тар бэркэнмэ исми, гами. ?и-кэт минэвэ эмчэ кейра.
– Учуне! – энин тапкаливки hутэви – Ичэмае! Си hима hалгачи биhинни, эмэр эhачи биhинни, эмэр сечи биhинни. Экун тади?ас тар бэркэнмэ?! ?алэс биhин до? Экэл тыкэ гунэ, ичэмэе!
Тадук Оли гунэн:
– Дуннэр Эни, дулин дуннэ бэгинин, долчаткал экунма би гундем. Бутунну бэй?э савки он эр дулин дуннэду биденэ ам?ави иргидэ. ?и hима hалгачи бивки, ?и эмэр эhачи бивки, ?и дэгри дэктэндэчи бивки. Мунду, бэй?элду-дэ, дэгилду-дэ бэркэн надая ачин. Ичэhикэл эрэ! Эр ку?акан дюр hалгакан, ко?норин дыликан, эвуники эhалкан. Ну?андун экун-дэ ачин: иктэн-кэт эмэр ачин, оhиктан-кат эмэр ачин. Он-ка эр дуннэду ам?аи ирги-?эн? Ну?андун букэл тар бэркэнмэ. Мунду ?алэлвун-кат ачин, ну?андун ?алэлин биhи.
– Кэ, ?и hу?тут гунчэдерэн? – hан?увки Дуннэр Эни.
– Ая, ая! – элэксиивкил дэгил, бэй?эл. – Дюр hалгакан, ко?норин дылилкан, эвуники эеhалкан тар бэркэнмэ гагин.
– Тыкэн гунмил, бэлэткэллу ну?андун‚ элэксиивки дуннэ бэгинин Дуннэр Эни.
Kэ‚ тыкэн оран. Он-ка эhилэ тар бэркэнмэ кадардук гада? Он Умусликэн тар кадариндява туктыди?эн?
– Маутъян окаллу, – гунэн дэлэмичэн сачари Э?ни. – Тар маутди кадарва туктыди?эн. Сектакар ни?тэлвэтын улгэкэллу, тар ни?тэлдук маутъян окаллу.
Де-вет бэй?эл бэлэчиллэ. Бэй?э биhи – бутуннул Умусликэнду бэлэдиллэ. Он этэрэ бэлэттэ ирги?эдувэр? Де-вет сектакар ни?тэлвэтын тагдыдявкил! Умусликэн ?алэлкан бэе эчэ, эр-ты маутындява оран, ?онимивдява. Эhилэ маутпи гаргачиллан, татыллан. Эр-ты таттан, тыкэн-ты ним?аканду бивки. Со бэе-hуркэткэн бичэ Умусликэ?ит. Де эhилэ кадариндяви тыматнэ туктыл?эт.
Умусликэн бэркэчи одяран
Сигун элэкэс дэгдэдерэкин, Умусликэн гиркилнунми кадариндяла ?энэрэн. Гарандаран маутпи Умусликэн, кадардук тагавран тари?ин. Ичэмкэрэн, танан – аят тагавча. Туктыллэн кадарва. Гиркилин бэй?эл кадар ?егидадун эмэнмурэ. Туктыдевки, туктыдевки Умусликэн. Умун кирагиндула туктыксэ, нян угиски маутпи гарандавки, нян туктыдевки. Гороллон, эhин дуннэдук ичэврэ оран. Гиркилин эмэнмувкил, алатчавкил, окин-ка кадар муданман исчи?ан. Оли дэгиктэдевки. Умусликэнмэ каравдявки. Маутпа тыкиврэкин, эмувки. Дэктэндэлкэн дэги эди?ан, эр-ты маутпан эмувувки. Горово, горово туктыксэ она, дэррэн омолгит. Дэрумкичиллэн.
– Эду биденэ, дэрумкикэл, – Оли гунивки, – би девгэес эмувуктэ. Демулчэ бидинэс.
Дэгрэн Оли, девгэлэрэн. Бэй?нэл девгэвэ бэлэннэрэ, hагачанду нэрэ, ни?тэкэрди утта, тадук Гаг дэгиливрэн девгэвэ. Оли нян дэрумкичивки. Карав нян Гагнюн ?энэвки, тадук мучувки, гуннэ:
– Долболлон эчэ, ан?аттаи некэдерэн омолгит. ?энэкэллу дюлдулавар, тыматна тэгэлтэнэ нян эмэдэвэр.
Кэ, ая. Илан инэ?ивэ Умусликэн тар кадариндява туктыдечэ. Илан инэ?ивэ бэй?эл-дэгил кадар дагадун алатчанал гиркивэр. Эhилэ туктыденэ, туктыденэ, Умусликэн исча кадар hоронмон. Кадар мудандун ирэктэнде бивки, тар ирэктэнде илан hалачи бивки. Тар илан hалан сигдылэмэдун бэркэн уючэдевки. Манни томтэ уюрит уивчэ бивки. Эди?ан Умусликэ?ит, ?алэлин биhи бо, гурэрэн бэркэнмэ, гаран. Адулавки, ичэвки. Нюрил бивкил тари?илби гаран. Тадук гунчэвки:
– Эр бэркэнду нюрван нэксэ, аямат таникса, Дуннэр Эни биде?элэн нюрит иhимчав до?
Тыкэн гунчэнэ, арай долдыран:
– Hуркэн-ку?акан, бэй?э-дэги иргинэн, аи-эвэнки чэчэн, аямат долчаткал! Дюр ?алэтпи бэркэнми дявакал, сирэнмэн дюр hалгандии аямат такэл, тадук гукэл: «Дэктэндэлкэн дэгигэчиниhивкал минэвэ дуннэлэ!». Аямат бикэл, аят дулин дуннэвэ гиркукал. Со э?эhи бэе оди?ас, бэе соргун биди?эс! Кэ, аят гиркукал!
Тыкэн гунчэ, угу бугадук Дуннэр Эни. Эhилэ гуннэгэчинин оча омолгичан-ты – тар-ты дуннэлэ исча. Гиркилин уруечивкил. Кэ, тыкэн, Умусликэн. Бэй?э-дэги ирги?этын, бэркэнэви бакача.
Геван-этыркэн
Бэркэнэви бакакса, Умусликэн дэлэмичэн сачари Э?нинюн Геван-этыркэндулэ дэгил?эт оран. Эhилэ Тэмбекан гунивки:
– Эр иктэкэнмэв сумуконди уйкэл аhэктэкэл мэндуи.
– Гакал, гакал, поро, – гунивки энинин Амака. – Эр иктэвэ ам?аhинми, ?иду-дэ этэнни кеивувра. Эр иктэ сома сэнэчи бивки, экэл-нюн сэнмирэ.
– Эр дэктэндэнкэнмэв нян аямат дяякал, – буденэ, Оли гунивки. – Нуллакис тогово, эр-ты эмэди?эв синдулэ. Бэлэтнэди?эв. Экэл сэнмирэ, аямат нюриктэдуи лапкикал.
– Эр-кэ, – Огилкандя гунэн, – иркидукки ин?актаканас будем, эрэ ним?эди?эс – эр-ты би эмэдин?эв. Ма, гакал, экэл сэнмирэ.
– Кэ, бэй?эл-гиркил, дэгил-гиркил! – гунэн – Умусликэн. – Бакалдыди?ат-ку, этэп-ку, ?и саран. Бэй?э-дэги ирги?этын биhим, этэм сунэвэ ом?оро окин-кат. Дэлэмичэн сачари укумнивэн умна, иhэвчэ биhим. Тэмбе-эhэткэнюн нэкунэчэн биhив. Багар, окин-мал, бакалдыди?ат, – тыкэн гуннэ, омолгит дэлэмичэн сачари орондуи угивки, балдынадукин балдыри уhивэн гавки. Иларакан дэлэмичэн оронин пэриhинивки, мэ?умэ лэпурэлин – дэктэннэлин балдывкил, де дэгиллэ-вет!
Угиели дэгдевкил. Таркан дэгдевкил, эркэн дэгдевкил. Юри юлтэн юдерилэн дэгиллэ, дулин буга чэчэмэлэн, ламбулдяр ламдулэ дэгиллэ. Горово, горово тыкэн дэгивкил. Гадук ичэhинэн Умусликэн – экун-ка килбэнэдевки. Килбэнэдеечивки, сомат килбэнэдеечивки. Эhан энуликлэн килбэнэдеечивки, Эhилэ Умусликэн hан?увки сачариви:
– Эней дэлэмичэн сачари Э?ни! Экун-ка делодут килбэнэдерэн? Эhалив энуликнэтын килбэнэдерэн. Экун тар?
– Геван-этыркэн чорама-дюн килбэнэдерэн тар. Багдарин мэ?ундук овча чорама-дюн, таргачин бивки дюн. Самиhикал эhалви, эткэн дагамади?ат Геван-этыркэн дюван, – гунивки оронин. – Эткэн дуннэлэ негурди?ав, аямат нэмэдуи тэгэтчэкэл, экэл тыктэ, – тыкэн гуннэ дэлэмичэн сачари дуннэлэ тэгэhинчэрэн, hалгардуи илиhинчаран. Ичэhинэн Умусликэ?ит – мэ?ундук овча чорамандя мэ?умэ куюргиду уркэлдевки. Мэ?умэ куюрги дявучадявки тар чорамандява. Тари?ин пэриденэ уркэлдевки.
– Кэ‚ сэрувкэл этыркэнмэ, – гунивки сачари?ин. – Инэ? адявки тари?ис. Сэрувди?эс этыркэнмэ, мэ?умэ чорами дюви нэктэгурди?эн, дуннэлэ тэвувкэнди?эн, – гунэн дэлэмичэн сачари.
– Он-ка сэрувдем? – Умусликэн hан?увки. – Арай тар мэ?умэ куюргива нюрит навканикта, – тыкэн гуннэ, hуркэ?ит нюрви гавки, бэркэндуи тулевки, тадук пэктырэнивки. Мэ?умэ куюрги дулимаван наран! Тари?ин гир-гир оран, чорама дю hавагинан, де пэрилдекоттэн-вет. Тадук чорама-дю уркэн ниврэн, чэлкэ нюриктэчи Геван-этыркэн уркэдуи ичэвуллэн. Уркэви никсэ, гунэн:
– ?и тар минэвэ сэрувдерэн? ?и чорама-дював hаваhивканан?! Мэ?умэ чорама-дюв ан?аниду умнэкэннюн дуннэлэ тэгэвки, умнэкэннюн ан?аниду дуннэлэ нектэгуривки. Дуннэр Эни гунэрин минду, умун hуркэн-ку ‘гунэрин минду, умун hуркэн-ку?акан, бэй?э-дэги ирги?этын эмэ?эт миндулэ. Си-гу тар биhинни, Умусликэн?
– Геван-этыркэн, би-ты эмэм. Дэлэмичэн сачари Э?ни мэн укумнитпи иргивча-карайча минэвэ. Ну?ан-ты эмурэн минэвэ элэ, аи-бэе турэнмэн алагудас минду. Нектэгуркэл чоррамандя-дюви, дуннэлэ тэгэвкэкэл, – гунэн омолгит.
Нектэгурэн Геван-этыркэн чорама-дюви, дуннэлэ тэгэвкэчэн. Чорама дюла ирэ, сэhэргэстэ аямат. Тадук дэлэмичэн сачари Э?ни дюлави мучуhинан, Умусликэн Геван-этыркэнду эмэнмурэн.
– Аямат долчаткал, hутэ! Дюр баргу сердиви домалави ивкэл, аямат уйдокол, – гунэн тадук Геван-этыркэн. – Ноное-ноное, горо тар оран, си дуннэлэс аваhи Сэлэргун Сэвэендя эмэчэ. Эмэксэ, умун-кэт бэе-эвэнкивэ эчэ сулара. Бэелвэ, омолгирва ватыча, аhалва hурувчо. Синэвэ тэлки энинис дяяча, дягдатканду эмкэдус локоно. Тарит сигдэ эмэнмучэ иникин биhинни. Энинмэс-кэт, нэкурвэс-кэт, дялвас-кат тар Сэлэргундя hурувчо. Бокантадяран эhилэ ну?арватын. Эhилэ тар дялбас hурувденэ, гундечэ:
– Илкэнденэ hоктови ?энэди?эв умун-дэ иникин эвэнки-бэе, эвэнки-мата сулапча бигин, удялив ?энэгин! Илкэн?эдув ?энэгин, бакагин минэвэ, со бими.
Умэн-дэ иникин эвэнки-бэе эчэ сулапта, тыкэн гунчэнэ, тар удяви илкэндечэ. Тыкэн бичэ. Гадук Геван-этыркэн гунивки:
– Би синэвэ алагуди?ав, таткади?ав. Бэе турэнмэн сади?ас, hуркэн-мататкан оди?ас. Сигдэ иникин эмэнмучэ биhинни, си Сэлэргундя илкэннэлин ?энэди?эс.
Эhилэ Геван-этыркэн таткаллан омолгичанма. Хэгдыкун гулувунма-отува иларан, тадук аямат дегдэллэкин, чатургаракин, оту дагадун иливканан. Тэткэлбэн луктан гунэн, тадук дюлакин Умусликэнмэ дегдэдерил, hэкуhил чатулит гарагачиллан. Гарандаракин hэкуhи чатуканди, Умусликэн hэтэкэнивки, эдэн гара. Горово-горово тыкэн таткаран омолгичанма. Эhилэ Умусликэн со оран, эвкил чатукар нара ну?анман. Гарагачивки, гарагачивки Геван-этыркэн – эвки нара. Тадук эhилэ этыркэн нюрилди пэктыруллэн Умусликэнмэ, нюрилди накучиллан. Умусликэн со, эвкил нюрил ну?анман нара, эли-тали hэтэкутчэвки. Нян горово-горово тыкэн таткаран hуркэнмэ. Де со оча Умусликэн, чатур-кат, нюрил-кат эвкил нара омолгичанма. Кэ, таттан, со оран. Бэе турэнмэн нян саллан, эhилэ эвэнкивэ бакалдыми, аямат бэедыт улгучэмэт?эт. Иhэвчэ, сумун сумурбучол, дялин дяларбучал, иргэн дялупча. Таргачин со hуркэн-омолгичан оча, мататкан оча. Эhилэ таллаhа гунэн этыркэн:
Конец ознакомительного фрагмента.
Текст предоставлен ООО «Литрес».
Прочитайте эту книгу целиком, купив полную легальную версию (https://www.litres.ru/chitat-onlayn/?art=70539829&lfrom=174836202&ffile=1) на Литрес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
